CELTA ikastaroa abian da!
Abian da uztaileko CELTA Ikastaroa London Schoolen! Datozen asteetan, etorkizuneko irakasle talde berri bat English Language Teaching (ELT) munduko ziurtagiri ospetsuenetako batean trebatuko da. Ikastaro zorrotza, praktikoa eta trinkoa da, aukeraz betetako ibilbide profesionalaren hasiera markatzen duena.
London School of Languages-en, 30 urte baino gehiago daramatzagu ingelesaren irakaskuntzan kalitatearen aldeko konpromiso sendoarekin, eta badakigu arrakastaren zati handi bat irakasleen prestakuntzan dagoela. Horregatik, ELT arloan profesional berriak formatzea gure misioaren funtsezko parte da.
Gainera, Cambridge Unibertsitateak egindako ikerketa baten arabera, bai Espainian, Erresuma Batuan zein Irlandan, ingeles irakasle perfilen eskasia nabaria da, eta horrek lan aukerak sortzen ditu sektorean. Irakasle izatea aukera erakargarria da arrazoi askorengatik: bidaiatzeko aukera, herrialde berrietan bizitzea eta kultura berrietan murgiltzea, ikasleen hazkundea eta aurrerapena ikustea, edo lanbide zirraragarri bati dedikatzea, besteak beste.
Motibazioa edozein dela ere, bide profesional aberasgarri hau hasi nahi dutenek jakin behar dute ELT lanpostuen %75ek CELTA ziurtagiria eskatzen dutela. Baina, zer da CELTA?
CELTA (Certificate in Teaching English to Speakers of Other Languages) Cambridge Unibertsitateak eskaintzen duen irakasle prestakuntza ziurtagiria da, eta mundu mailan prestigiodunenetakoa da. Espainian 14 zentrok baino ez dute eskaintzen, eta Euskal Herrian, London School of Languages-en bakarra gara.
2014az geroztik Donostiako gure ikastetxean CELTA ikastaroak eskaintzen ditugu, eta harro esan dezakegu 280 irakasle baino gehiago prestatu ditugula urte guzti hauetan. Gure ikasleen gehiengoak irakaskuntzan lan egitea lortu dute ikastaroaren ondoren. Horietako batzuk, gainera, gure lau zentroetako batean geratu dira irakasle gisa.
Zuk ere irakasle izateko bide hau jorratu nahi duzu? Orduan jakin ezazu oraindik garaiz zaudela abuztuko CELTA ikastaroan izena emateko, uztailaren amaieran hasiko baita.
Baldintzei, datari eta izen-emate prozesuari buruzko informazio gehiago nahi baduzu, kontsultatu gure webgunea edo idatzi helbide honetara: celta@london-school.com.
London School
From San Sebastián to the world
